ALPINISTICA NORD Canale dell'H (Monte Nero) del 01-02/12/2006
Diaolopo'! Pensevo de esserme za' supera' st'am col D+ della tour Ronde, ma quando el Davide el me ciama for per la stimana e el me propone sta salita en tel gruppo della Presanella (con muri de giaz a 80 gradi) gradaa TD- anca se a denti stretti (vist che no ho mai fat gradi del genere) no podo dirghe de no: gh'e' da nar. E cosi' vendro, parto per laoro con za' en macchina zaino e picche, e alle 16:38, fini' el turno, me fiondo a Riva dal Davide endo che passem na bona ora a tirarne a um e slimazzar le piccozze en caneva. Sem pronti! Via! Dopo en salt en palestra de boulder a Arco a domandar a en tipo en che condizioni l'eva trova la via (vist che el l'eva fatta qualche di' prima), fem tappa a Pinzolo ala Bot endo che col Daniel (che pero' nol pol vegnir a far la via) ne trovem a magnar na bona pizza e bever en par de birre e en par de grappe. Alle 10 sem za' enfont alla val Nambrone pronti, co le lampade frontali a meterne en viaz per el bivacco Segantini. En te n'ora de bom pass sem su, ovviamente no gh'e' nessuni, e dopo na birra (me som porta' drio 4 lattine en tel zaino...) vers le 11 e meza ne butem zo. La sveglia? Alle 2 e 30! Che dura levar! Alle 3 e 15 sem en marcia per l'attacco. Seguim vecie orme en la nef che perdem bem prest, ma a ocio risalim na morena fin sotto el Monte Nero, quindi deviem a sinistra e ne enfilem per la parte bassa del canal che se empenna sempre de pu'. Finalmente trovem en sass con en poggiolet (quota 2800m) endo che podem fermarne a meterne imbrago, ramponi e tirar for le picche. Arivem li' vers le 6 e 30... l'e' ancor not, ma tra che ne cambiem uno alla volta (el poggiolet l'e' piccol) tra che ne sistemem corde, ciodi, friends, dadi... vem le 7 e en quart che sem pronti a spicozzar: e l'e' en bem vist che finalmente e' drio a vegnir ciar. Vist che el Davide el g'ha su manetta co le cascate de giaz, sto colp ghel laso tirar tutt a lu' da prim: mi en TD- som anca pu' che soddisfatt de riusir a farlo da secont! La prima parte l'e' sui 45 gradi, po' co na sosta su do ciodi da giaz ne fem el tiro a 70 gradi de giaz: bem, bem bem. La pendenza la se sbasa e continuem en conserva longa su nef pressada. Ogni 10/15 metri, finche' se pol e soprattutto quando el canal l'e' strett (60/90 schei), se mete rento proteziom. Passem cosi' en ten strett passaggio de giaz vif che se sera su n'altro muret vertical e n'altro ancor de pu'... soste? Macche'! Avanti de conserva longa e mi addirittura sull'ultim muret passo fora senza averghe rento nessuna proteziom, vist che el Davide, che l'e' za 30 metri avanti l'e' en mez a en polverom improteggibile. Arrivai a en bivio, vist che i n'eva dit che l'uscita a sinistra l'e' inagibile, ne enfilem a destra e tra nef pressada e polverom alle 10 e 20 saltem sulla vetta del Monte Nero. Che bela soddisfaziom! Ghe l'avem fatta. Adess ne speta la longa discesa (che i n'ha preventiva' a 5 ore). Ovviamente podem ciaparnela comoda. Ne congiungem subit alla via dei caminetti che sale en Presanella dal rifugio Segantini e tra na doppia e na ferratina arrivem alla bocchetta del Monte Nero. Da qi ne calem en doppia (e mi da mona en fago addirittura doe vist che no me fidevo a passar tra placca, marz e nef co le picche...). Dovem cosi' smontar per tracce de senter tra i sassi scoerti de nef (che mazel!) fim alla morena e alle 3 dopodisnar sem al bivacco a beverne la meritata birra che evo lasa' li' al gieri. Ancor n'ora e sem en val: per le 6 sem a Riva e mi alle 6 e meza en Trembelem... gh'e' da nar! No g'ho en minut da perder, vist che i me speta a zena a Perzem: stasera g'ho la zena della squadra de Dragon Boat! Diaolopo'! L'e' la volta che fago le 24 ore tirae!
| La via: e' segna' l'imbocco del colouir: drio el Monte Nero (che fem), l'e' la Presanella. | |
|
El Kepo el se mete su l'imbrago all'attacco della via. | partidi! | |
|
...e tra en muret e n'altro, quando la "spiana" n'attimo riusim anca a farne do foto... | ghe sem! Berg Heil! Kepo e Davide en vetta al Monte Nero: drio la Presanella. | |
|
en primo piano el Monte Nero: alla so sinistra risalta la bocchetta del Monte Nero, da endo che dovem calarne con en par de doppie, vist che no l'era en bele condiziom.... altrimenti saria en (brut) senter. | passa' i sassi, se smonta sulla morena... | |
|
e se la segue fin ai laghetti drio el Segantini. |
